Koronavirusi vijon të shpërndahet më shpejtësi në Itali, duke shkaktuar pesë viktima ndërsa mbi 200 persona janë të infektuar.
Ndërkohë, kthimi i Italisë në një vatër të virusit në Europë, ka alarmuar vendet e tjera të cilat nisur procedurat e mbrojtjes.
Lidhur me këtë çështje, Paolo Gentiloni, Komisioner për çështjet ekonomike në KE është shprehur se ka nuk ka vend për panik duke thënë se ka besim tek autoritetet italiane.
“BE ka besim të plotë tek autoritetet italiane dhe vendimet që po marrin. Nuk kavend për panik”, u shpreh Paolo Gentiloni.
Ndërsa mbyllja e kufijve është ende një skenar drastik, Franca, Zvicra dhe Austria nuk përjashtojnë mundësinë e masave të forta në rast se situata do të përkeqësohet.
Rumania ka vendosur të mbajë në karantinë të detyruar prej 14 ditësh të gjithë ata që vijnë nga zonat e prekura në Lombardi dhe Veneto ose që kanë kaluar në këto komuna. Austria ndërkaq bllokoi lidhjet hekurudhore me Italinë për disa orë pas lajmit të dy rasteve të dyshuara në një tren.
Duke ju përgjigjur kërkesës së Marin Le Pen për mbyllje të kufijve, në Francë, ministri i Shëndetësisë, Oliver Veran tha se kjo nuk do të kishte asnjë kuptim pasi virusi nuk ndalet në kufi. Sipas tij edhe “Air France” vazhdon të operojë normalisht fluturimet nga Italia.
Ndërkaq, Bashkimi Europian bën thirrje që shtetet anëtare të koordinojnë masat ndaj përhapjes së epidemisë. Komisionerja europiane për Shëndësinë, Sella Kyriakides pohoi se një mision i Organizatës Botërore të Shëndetësisë do të shkojë në Itali të martën.
Komisioneri për menaxhimin e krizave në BE, Janez Lenarcic tha se unioni do të akordojë mbi 230 milionë euro për të ndihmuar në luftën globale kundër koronavirusit. / Opinion.al
