Mjaftoi një sekuencë e shkëputur nga emisioni “Një ditë me Dojnën” që do të transmetohet nesër në Top Channel, dhe lajmi qarkulloi në të gjitha mediat. Këtë herë, situata ishte konkrete dhe e qartë! Si të ftuarat speciale të këtij formati, prezantueset simpatike Nevina Shtylla dhe Fjoralba Ponari u ngacmuan nga pyetjet e moderatores Dojna Mema. Në njërën prej tyre kjo e fundit e pyet Nevinën se pse nuk është friend në rrjetet sociale me Eni Shehun?!
Dhe sigurisht, këtu i referohet periudhës së bashkëpunimit mes të dyve në TV Klan, në emisonin “Jo vetëm modë”! Ata ndanin të njëjtin ambient pune. Si dhe ishin shtyllat kryesore të këtij formati. Ajo si moderatore dhe ai si kryeredaktor.
“Përse nuk e ndjek më Eni Shehun në Instagram, nëse je ndarë me përshtypjet më të mira nga emisioni i mëparshëm”?-ishte pyetja e Dojnës për Nevinën, ndërsa kjo e fundit tha se ai i kishte bërë block.
Revista Class kontaktoi gazetarin dhe ai sqaroi :
“Me Nevinën nuk kemi ndarë kurrë momente shoqërore. Kemi bashkëpunuar dhe kemi qenë koleg korrekt, por miqtë secili i zgjedh sipas dëshirës, edhe në rrjetet sociale”!
Me kaq pak fjalë, mendojmë se Eni Shehu i tha të gjitha qartë dhe pastër!
