Netflix raportoi një humbje të madhe parash të hënën, shkak për të cilën mund të jetë Kevin Spacey.
Kompania lajmëroi se dolën shpenzime të “papritura të përmbajtjeve ende të patransmetuara”. Nga ana tjetër, shefi i financave David Wells tha se kjo humbje erdhi si pasojë e ngjarjeve të fundit në Hollywood që lidheshin me ngacmimet seksuale. Askush nuk përmendi emra por një burim nga CNN konfirmoi se shkak i kësaj humbje ishte shkurtimi i projekteve të Kevin Spacey.
Pas raportimeve që Spacey ngacmonte seksualisht punonjësit, Netflix e pushoi nga puna aktorin. U pezulluan përkohësisht xhirimet e sezonit të gjashtë të House of Cards, dhe në lajmërimin e rradhës u tha se sezoni final do të vazhdojë pa aktorin kryesor të serialit.
Netflix nuk është e vetmja kompani që Spacey i shkaktoi humbje. Pas akuzave, aktori u përjashtua edhe nga Imperative Entertainment, duke i kushtuar kompanisë $10 milion humbje./ opinion.al
