U kujdes që të tregojë në skenë ironinë dhe fitoi. Bëhet fjalë për këngëtaren Netta Barzilai, e cila me një “look” ekstravagant dhe me shumë kilogramë më shumë, arriti të fitoi Eurovision Song Contest, duke çuar fitoren në shtetin e saj, Izrael.
Por para se të niste karrierën muzikore, 25-vjeçarja ka qenë kameriere dhe mësuese fillore. Gjithashtu ajo ka bërë edhe shërbimin ushtarak. “Idiot, nuk jam lodra jote”, thuhet në tekstin e këngës “Toy”, e cila fitoi festivalin europian të muzikës.
Por fitorja e saj nuk i shpëtoi Kryeministrit Benyamin Netanyahu, që pas komplimenteve të ngrohta në telefon, e nisi mbledhjen e qeverisë duke i përshëndetur ministrat me fjalën “Boker Toy”, duke përfshirë titullin e këngës, për të thënë “mirëdita”.
Netta-s i qeshin dytë dhe fytyra, gjë që tregon se është shumë e shpenguar në karakter dhe pa asnjë kompleks. Pak pasi kishte fituar “Eurovision”-in, teksa po zbriste shkallët, këngëtarja izraelite është rrëzuar, por pa pasoja. Gjithsesi, ajo ka qeshur menjëherë, sepse ajo mbrëmje vetëm duhej festuar.
