Aleanca Kundër Importit të Plehrave ka ftuar qytetarët nesër në protestë kundër importit të plehrave, ose mbetjeve sicc i quan Rama. Paralelisht me protestën, nesër do të zhvillohet edhe Asambleja e PS-së.
Itenerari
1. Protestuesit do të mblidhen në orën 11:00 pranë Monumentit të Pavarësisë, në Parkun Rinia, për të marshuar drejt kryeministrisë.
2. Përballë zyrës së kryeministrit Edi Rama parashikohen të jenë mijëra qytetarë që do t’i kërkojnë llogari përse i tradhëtoi duke miratuar ligjin që kishte hequr vetë në vitin 2013. Deri tani të paktën online kanë konfirmuar pjesëmarrjen mbi 2 mijë persona.
Detaje të hollësishme ende nuk janë bërë publike. Po gjithësesi po flitet për një skenar të mundshëm që është ai i rrethimit të kryeministrisë me kazanë plehrash që kanë të shkruar emrat e deputetëve që votuan ligjin dhe me thasë me plehra.
Paralelisht me protestën e organizuar nga aktivistët e AKIP në Tiranë, qytetarë të ndryshëm po organizojnë protesta në qytetet e tjera të vendit, në Vlorë, Fier, Elbasan, Korçë, e tje. Ndërsa komunitetet e emigrantëve shqiptarë nëpër botë kanë njoftuar organizime protestash para ambasadave të Shqipërisë në Londër e Berlin.
