Ditën e nesërme do të zhvillohet Kuvendi i Partisë Demokratike i thirrur nga ish-kryeministri, Sali Berisha. Në një deklaratë për mediat, drejtori i Përgjithshëm i Policisë së Shtetit, Gledis Nano, i pyetur nga gazetarët se a janë marrë masa nga policia është shprehur se uniformat blu janë gjithmonë në gatishmëri.
“Policia është gjithmonë në gatishmëri për ruajtjen e rendit dhe sigurisë publike. Synojmë dhe gjithmonë policia ka qenë e drejtuar drejt informacionit dhe inteligjencës. Bazuar në informacionet që do të kemi do të merren masa”, u shpreh ai.
