Duke nisur nga dita e nesërme do të ofrohet shërbim në ambjentet e mbyllura të bareve, restoranteve dhe pishinave
Një ditë para hapjes, në kuadër të lirimit të masave për parandalimin e Covid-19, ministrja e Shëndetësisë Ogerta Manastirliu ka rikujtuar rregullat për klientët dhe punonjësit.
Me anë të një postimi në Facebook, Manastirliu kërkon të zbatohen rregullat me qëllim ruajtjen e shëndetit për vete dhe të tjerët.
“Në hyrje higjienizues për duart. Personeli duhet të mbajë maskë. Tavolinat në distancë 2 me larg njëra-tjetrës”, janë tre rregullat që shkruhen në postimin e ministres teksa ajo shton se “respektimi i protokolleve strikte të sigurisë, është thelbësor për ruajtjen e shëndetit të qytetarëve”.
Tre ditë më parë, ministrja Manastirliu tha se do të vijonë të mbeten të mbyllura klubet e natës, pub-e e disko./ Opinion.al
⚠️ Respektimi i protokolleve strikte të sigurisë, është #thelbësor për ruajtjen e shëndetit të qytetarëve.
Posted by Ogerta Manastirliu on Wednesday, September 30, 2020
