Lulzim Basha: Sa vjeç është?
Zonja: 23.
Lulzim Basha:Invalide?
Zonja: Po!
Lulzim Basha: Sa fëmijë ke Flora?
Zonja: 6.
Lulzim Basha: Me çfarë jetoni?
Zonja: Me çfarë jetojmë? –ne me thënë të drejtën, me pensionin e kësaj! Mbulojmë drita, ujë, burri pa punë! Dy vajza i kam të martuara, tre i kam në shkollë, vetë pa punë duke i shërbyer kësaj. Grupi i parë është invalide, merr 100 mijë kjo, 100 mijë unë. Më kanë hequr ndihmën ekonomike, ka një vit e gjysmë! Burri është pa punë!
Lulzim Basha: 8 vetë me 100 mijë pagesë invaliditeti të vajzës…
Zonja: Dhe 100 mijë shërbim unë, pasi mos të kishim këtë invalidi, unë shkojë të punoj tek fabrikat. Po i bëj thirrje shtetit se pse më ka hequr ndihmën ekonomike?! 110 mijë lekë kam paguar dritat, ja ku janë. Janë faturat e dritave. Jam nënë me invalid brenda dhe shiko se çfarë më thotë drejtori i energjisë; shko shiko sahatin thotë, shikoje ku është kjo, sa lexon kilovat. Tani shiko faturat e dritave! Tani a mund ta lë me vdek në ftohje, pa ndezur ngrohjen këtu?! Si mund ta lë?! Ndaj, i bëj thirrje shtetit të vendos dorë në familjet në nevojë!
Zonja: Mallkimet tona o Zot ja thefshin qafën! Po jo me na bë me tortura kështu, zëmë shembull burrin; burrin e kam alamet burri dhe punëtorë, po është puna ku të gjej punë?! Kam dy vajza në shkollën e mesme njëra me mesatare 9, tjetra me mesatare 10, një bursë bashkia e Lezhës, të thonë të shkojnë në shkollë! Mos të gëzoj fëmija im një dreq shkolle, as të drejtë, asnjë gjë! Unë mirë si nënë se jam me vuajtje, se kam varrin brenda, po fëmijëve e burrit! Se unë jam e vuajtur, se unë me këtë kam për të ngel! Mund ta mbys, kujton kryeministri se mund të mbys fëmijën tim unë! Nuk e mbys! Nuk e mbys fëmijën e huaj, jo ta mbys fëmijën tim! Duhet me qenë të barabartë me të tërë! Sikur je t’u u lodh ti me e bartë, edhe ai të lodhet kur ka hipur në atë karrige për të punuar për popullin!
Lulzim Basha: Ai është lodhur vetëm për veten e vet, e për një grusht njerëzish!
Zonja: Ai është lodhur për hajdutët! Edhe ti të jesh, unë si nënë një herë që jam e vuajtur me këtë fëmijë varrë brenda, në Lezhë! Dy kile vaj, dy kile sheqer, dy kile miell. A mund të hanë 8 vetë dy kile vaj, dy kile sheqer?!
Lulzim Basha: Kurrsesi jo!
Zonja: Po shiko e bëj, 1500 lekë bën vaji! A ta blej, a ta lë?! Se unë këtu, e shikon atë makinën që e kam lënë aty, shiko! Shiko kryetar! E kam marrë me veresi për shpirtit të babës! E kam marrë me lekët e këtij burri. Këto janë me rimbursim, ndihmojnë djalin për ta e qetësuar se ka sëmundje toke. Çohet me më tremb kalamajtë natën. Ku ta lë unë? Atë dhomë e kam për kalamajtë. Këtu, me borxhe e kam bërë atë ballkon me e mbyll në dhomë mos më mbyste fëmijët. Shihi kryetar, shihi të ardhurat e shtëpisë time. Burrin boll punëtor e kam, nuk dua se kam tërë botën kur kam burrin shëndoshë, por të na përshëndesë shteti. Mos bëjë e mos thotë shteti me ne, a nuk është gjynah. Është gjynah se me popullin ….
Lulzim Basha: Ti je grua shumë e fortë me këto dhimbje dhe me këto vuajtje. Dy fjalë do të m’i dëgjosh. 8 vjet me radhë ky kryeministër, kjo qeveri kanë menduar vetëm për veten e tyre. Shqipëria i ka mundësitë me i ndihmuar familjet si ty. I kanë hequr nga ndihma ekonomike dhe ua kanë dhënë me pikatore. Ndërkohë që një grusht njerëzish kanë marrë paret e taksave të shqiptarëve dhe jetojnë si sheikë. Me 25 prill do ta ndryshojmë këtë
Qytetarja: Ishalla o Zot!
Lulzim Basha: Të jap fjalën që po. Më dëgjo dy fjalë. E para e punës që do të bëjmë: Për të gjithë familjet që i kanë hequr nga ndihma ekonomike me të padrejtë, do t’i rikthehet ndihma ekonomike dhe ndihma ekonomike menjëherë do të dyfishohet. E dyta: Energjia elektrike deri në 300 kë për muaj do t’i ulet çmimi. E treta: Do të jetë rimbursimin i ilaçeve 100% si pas diagnozës e në veçanti në raste të tilla. Ne kemi firmosur një marrëveshje edhe me personat me aftësi të kufizuar për t’i ndihmuar që të administrojnë, në mënyrë që paratë të shkojnë tek njerëzit në nevojë siç është vajza jote. Floinda më the?
Qytetarja: Po!
Lulzim Basha: Është më e rëndësishmja është që Pjetri, burri jot dhe të gjithë burrat dhe gratë e Lezhës që kanë mundësi me punuar, t’ju japim mundësinë të punojnë sepse ju nuk mund të vazhdoni përjetë me pjatën e supës dhe të ndihmës ekonomike. Lezha i ka mundësitë me krijuar vende pune. Të bëhemi të gjithë bashkë së pari të ndihmojmë më të pamundurit siç është familja jote dhe asnjë fëmijë po të the, më shiko në sy, asnjë fëmijë i joti, që ka dëshirën për të studiuar nuk ka për të mbetur pa studiuar për shkak se ti s’ke mundësi ekonomike. Ky është zotimi dhe angazhimi i Lulzim Bashës.
Qytetarja: Zoti të ruajte, o Zot!
Lulzim Basha: Për çdo fëmijë, për çdo të ri e për çdo të re, S’ka bijë dhe bir shqiptari që do të mbetet pa shkollë për shkak të pamundësisë ekonomike. Sepse studimet dhe arsimimi do t’i japin mundësinë të punësohen e ta nxjerrin veten e tyre dhe familjen e tyre nga mjerimi
Qytetarja: O Zot fitojmë!
Lulzim Basha: Së bashku! Të gjithë së bashku! Mbahu fort! Ti je një grua me 6 fëmijë, me një vajzë të sëmurë, me burrin e papunë që ia del në këto kushte, ti je heroinë! Nesër do më kesh në krah, do kesh qeverinë në krah, do të kesh deputetin në krah!
Qytetarja: Edhe ne na ke në krah!
Lulzim Basha: Të falënderoj nga zemra!
Qytetarja: Edhe unë. Tërë jetën na ke në krah!
