Të gjithë kemi kaluar atë periudhën përpara se të krijojmë një marrëdhënie me dike, dhe jo të gjitha shkojnë ashtu si duhet. Në disa raste ju mund të flirtoni për muaj me rradhë me një person dhe në fund përfundoni duke mos folur më kurrë, dhe të gjithë shpresat iu rrëzohen në tokë. Por këto raste janë të paralajmëruara paraprakisht. Kur një mashkull thjesht ka dëshirë të kalojë disa kohë duke flirtuar me ju, do të bëjë këto veprime:
1 – Ju jep sinjale të miksuara dhe shpresa të kota
Në disa raste ai është shumë i ëmbël me ju dhe në disa raste të tjera ju injoron totalisht. Ju gjithmonë e gjeni veten teksa vendosni në pikëpyetje sjelljet e tij. Pse nuk më ktheu përgjigje? Pse e anulloi takimin në minutë të fundit? Javën e shkuar ju bëri të ndiheni si princeshë, ndërsa parpitur u zhduk pa asnjë fjalë. Gjithmonë jeni konfuze dhe asnjëherë nuk do të jeni e qetë. Ky është paralajmërimi i parë për të hequr dorë.
2 – Atij i pëlqen të kalojë kohë me ty, por nuk tenton të bëjë asgjë më shumë
Sillet i kujdesshëm me ju, gëzohet kur ju takon, dhe interesohet per ju. Por vetëm kaq. Përkushtimi për më shumë nuk duket fare në horizont. Ky cikël “tërhiq e mos këput” nuk do të marrë kurë fund, deri sa ju të lodheni. Ndoshta ai nuk deshiron të përkushtohet në një marrëdhënie stabël me ju, pasi e sheh si diçka ne të cilën nuk përshtatet.
3 – Keni një marrëdhënie të afërt, por nuk jeni asnjëherë prioritet
Ai vjen tek ty vetëm kur i duheni, jo sepse dëshiron të rrijë me ty. Ai do të flasë me ty kur ka kaluar një ditë të keqe, ose kur ndihet i vetmuar, por në ditët e tij të bukura ju nuk figuroni asgjëkundi. Edhe pse është i afërt me ju, përsëri thellë brenda vetes ju keni atë bindjen që nuk ka atë interesin për t’ju kthyer në prioritet.
4 – Ju bën të ndiheni sikur vetëm ju jeni personi që përpiqeni
Vetëm ju e ftoni për të dalë. Vetëm ju ekzaltoheni kur bëhet fjalë për të shkuar diku së bashku. Ndiheni gjatë gjithë kohës sikur vetëm ju jeni personi që po jepni për këtë marrëdhënie. Ai nuk ju pyet kurrë me detaje për ditën tuaj, vetëm ju e bëni këtë pyetje vazhdimisht.
5 – Ai ju bën që t’i fshihni ndjenjat te të tjerët
Pas gjithë këtyre shenjave, ju thellë brenda vetes e keni kuptuar se kjo marrëdhënie nuk do shkojë asgjëkudni. Kur iu pyet dikush për të, asnjëherë nuk e pranoni që keni ndjenja dhe përpiqëni t’i mohoni me çdo kusht./Opinion.al
