Pritet të jetë ceremonia martesore e vitit 2018-të, dhe të gjithë i kanë drejtuar sytë tek ata të dy! Princ Harry dhe Meghan Markle, do të kurorëzojnë dashurinë e tyre në 19 Maj të këtij viti, në një dasmë madhështore ku do të ketë qindra e mijëra të ftuar VIP, personalitete të rëndësishme nga fusha të ndryshme veprimi, si arti, politika, biznesi, trashëgimtarë të gjakut blu, etj.
Por, bashkë me organizimet e dasmës dhe kurimit të gjitha detajeve, duke filluar nga sot ju mund të jeni një nga të ftuarit e dasmës së vitit. Princi Harry dhe Meghan Markle, do të ftojnë më shumë se dy mijë persona nga publiku, të cilët do të shohin ardhjen e nuses dhe dhëndrit në ditën e dasmës. Ama, ju duhet diçka…Të keni fat!
Sipas britanikes Dailymail, ata që do të lejohen në oborret e kështjellës, do të jenë rreth një mijë e 200 persona që shërbejnë në komunitetet publike, e që do të zgjidhen nga përfaqësuesit e Mbretëreshës. Të ftuar të tjerë do të jenë rreth 200 njerëz nga organizata bamirësie dhe ato të mbështetura nga Princ Harry dhe Meghan. Do të jenë gjithashtu të pranishëm rreth 100 nxënës nga dy shkolla publike, dhe 310 anëtarë të komunitetit të Windsor Castle, dhe 530 anëtarë të shtëpisë Mbretërore.
Procesi i përzgjedhjes në rradhët e publikut ka filluar që sot, deklaroi një përfaqësues i Kensington Palace.
