Në puntatën e parë të këtij sezoni të “Për drekë me mua” ishte Arjola Shehu ajo që do të gatuante për t’i dhënë mundësinë pjesëmarrëve në garë Bes Kallaku dhe Erjon Isai si edhe Blerina Bombaj Troci të shijojnë pjatat dhe të japin vlerësimet e tyre.
Gjatë drekës, e zonja e shtëpisë Shehu e pyet Besin nëse Xhensila ka neps, duke qenë se është në pritje të fëmijës së tyre të parë.
Përgjigja e Besit ishte tepër komike: Neps ka neps, po ka neps fustanesh, ka neps këpucësh. Ka neps çizmesh! Ça është ky lloj nepsi mo vlla? Ha bukë se je shtatzënë. Si mund të kesh nepse fustani? 1000 euro fustan! Çfarë është ky lloj nepsi...e përfundon reagimin Besi duke lënë të kuptohet që këngëtarja e famshme Xhensila gjatë shtatzënisë në fakt është më e apasionuar pas “shopping” se sa ushqimit./tvklan.al
