Një eksplorues amerikan, i cili ishte bllokuar më shumë se 1,000 metra nën tokë në Turqinë jugore pasi u sëmur, u shpëtua ditën e martë, tha federata turke e shpellave TUMAF.
Mark Dickey, 40 vjeç, ishte në një mision ndërkombëtar eksplorimi në shpellën Morca në malet Taurus të provincës Mersin, kur thuhet se filloi të vuante nga gjakderdhja gastrointestinale në një thellësi prej 1040 metrash.
Brohorima dhe duartrokitje, shoqëruan momentin kur qytetari amerikan u nxor shëndoshe e mirë nga grupet e shpëtimit. Më shumë se 150 persona u mobilizuan në përpjekjet për të shpëtuar eksploruesin e Mark Dickey, në atë që organizatorët e cilësuan si një prej operacioneve më të mëdha dhe më të ndërlikuara të kërkimit nëntokësor.
Shpëtimtarët italianë thanë se Dickey u dërgua në tendën mjekësore në kamp për kontrolle.
Pamjet nga fazat e mëparshme të operacionit treguan Dickey të shtrirë brenda shpellës dhe duke marrë trajtim nga një ekip mjekësor./Opinion.al
