Aleatët e NATO-s kanë nënshkruar në Bruksel protokollin që i hap rrugën Maqedonisë për t’u anëtarësuar në Aleancën e Atlantikut të Veriut. Ky vendim i NATO-s ka ardhur pasi Greqia ka ratifikuar Marrëveshjen e Prespës, e cila i ka dhënë fund kontestit mbi 27-vjeçar në mes të Maqedonisë dhe Greqisë për emrin.
Me këtë marrëveshje, Maqedonia është pajtuar për ndërrimin e emrit në Republika e Maqedonisë së Veriut, ndërsa Shkupi ka pranuar se gjuha maqedonase është pjesë e grupit të gjuhëve sllave dhe se identiteti nuk ka asgjë të përbashkët me maqedonasit e lashtë.
Marrëveshja mes Greqisë dhe Maqedonisë është nënshkruar më 17 Qershor të vitit 2018 në Prespë./Tv klan
