Në Samitin e Dytë Dixhital, që po zhvillon punimet në Beograd të Serbisë, është nënshkruar marrëveshja për heqjen e çmimeve të shërbimit të romingut ndërmjet vendeve të Ballkanit Perëndimor. Marrëveshja është nënshkruar mes Shqipërisë, Kosovës, Maqedonisë së Veriut, Serbisë, Malit të Zi dhe Bosnjes.
Tarifa e romingut nënkupton pagesat ekstra që qytetarët përdorin kur flasin në telefon nga një shtet në një shtet tjetër. Këto tarifa zakonisht janë dyfish më të larta sesa ato që përdoren për komunikimin brenda një shteti.
Marrëveshja e romingut pritet të zbatohet në tërësi në korrikun e vitit 2021, kurse reduktimet në uljen e tarifave pritet të nisin nga 1 korriku i këtij viti./Opinion.al
