Nënë Tereza, kremtim apo pushim?

A po pëson edhe dita e Lumturimit të Nënë Terezës fatin e shumë ditëve të shënuara të cilat më shumë se perkujtime janë kthyer në ditë pushimi absolute kryesisht për administratën? Faktet janë domethënëse. Sot në vitin e 12-të të Lumturimit të Nënë Terezës, solemniteti i kësaj dite është katandisur në dy fjalime kortezie nga kryeministri Rama dhe Ministri i Mireqenies Blendi Klosi si dhe një urim nga kryetari i Partisë Demokratike Lulzim Basha. Shumë pak për një emër të madh si Nënë Tereza, por që duket se do të ketë fatin e shumë figurave të kombit, të cilët kujtohen e shumta nëpër forume të lodhura, edhe pse veprën e kanë të madhe.