Një fqinje e familjes Josifi ku u vetëflijuan nënë e bijë, ka rrëfyer se ato kishin rreth dy vite që qëndronin të mbyllura pa mbajtur komunikime me njeri.
Ajo tha se rasti ishte bërë problem duke bërë që policia të vinte për të parë gjendjen e tyre, por ato kanë thënë se janë mirë por po qëndrojnë në shtëpi për disa punë të tyre.
Në një intervistë për “Abc News” para 10 ditësh punonjësit e bashkisë shkuan në shtëpinë e tyre për t’i dhuruar ndihma dhe atë ditë ajo kishte vënë re se Zhaneta Josifi, nëna e dy vajzave ishte dobësuar shumë.
“Ka qenë një familje model dhe gjynah që patën një fund të hidhur. Ishte një grua e shkëlyer me vajza yë shkolluara. Ata kanë punuar. Por nuk e di pse u mbyllën brenda. Kanë qëndruar mbi dy vite brenda. Motra vinte e vizitonte, herët e fundit nuk i përgjigjej dhe nuk i hapte derën.
Unë jam interesuar edhe me bashkimë. I kanë sjellë ndihma. Nuk e di si përfunduan kaq keq. Kanë një motër, herë i dilte, herë nuk i dilte, Njëherë erdhi edhe policia. Ajo doli dhe tha që kemi disa punë tonat. Para tre javësh ka ardhur policia. Ka rreth 10 ditë qe erdhën ndihma. I thamë ne që duhet të marrësh. I tham të fillonin punë. Anisën nuk e kam parë prej dy vitesh.
Zhaneta para pandemisë punonte në një familje. Pastaj u mbyll brenda. Ishte dobësuar shumë. Nuk e di pse u mbyllën në vetvete. Nuk mund të them dot se ishte për shkak të fesë. Që kur erdhi bashkia nuk i kam parë fare. Ato nuk lëviznin. Nuk dëgjoheshin, as bënin lëvizje. Vajza nuk m’u duk në gjendjet ë keqe. E ëma ishte dobësuar shumë”, tha fqinja./Opinion.al
