Forcat ukrainase thonë se kanë goditur një nëndetëse ruse në portin e Sevastopolit të Detit të Zi, e cila u fundos menjëherë.
Sipas deklaratës së Shtabit të Përgjithshëm të Forcave të Armatosura të Ukrainës, një nëndetëse e flotës ruse të Detit të Zi në portin e Sevastopolit u godit me sukses dhe u fundos menjëherë.
Nëndetësja Rostov-on-Don kishte pësuar më parë dëmtime të konsiderueshme nga një sulm me raketa ukrainase më 13 shtator të vitit që lamë pas.
Një sistem raketor anti-ajror rus S-400 në gadishullin e Krimesë gjithashtu u vu në shënjestër me sukses, pretendoi Shtabi i Përgjithshëm i Forcave të Armatosura të Ukrainës në një deklaratë të postuar në Facebook.
Megjithatë Rusia ende nuk i është përgjigjur pretendimeve të forcave ukrainase.
Ukraina mban një qëndrim të vendosur për Krimenë, duke këmbëngulur se gadishulli është pjesë integrale e territorit të saj. Ukraina thotë se Krimea u aneksua ilegalisht nga Rusia në vitin 2014.
