-Jetë dhe Stil

Nënat e ISIS


Bëhu pjesë e Grupit Zyrtar të Opinion.al
>> KËTU <<
               Publikuar në : 17:00 - 17/11/15 |
root

Fëmijët e tyre kanë vendosur ti braktisin, për tu bërë terroristët e ISIS, organizatës më të frikshme botërore. Janë të shumta nënat në botë që rrinë me gjak të ngrirë, duke pritur lajme nga djemtë e tyre. Huffington Post tregon disa nga këto histori.

Në Calgary të Kanadasë jeton Christianne Boudreau, e cila pret lajme nga ISIS nëpërmjet internetit. Djali i saj Damian, e ka braktisur për të shkuar në radhët e ISIS. Sa herë që ka shpërthime dhe bombardime, ajo përpiqet të shquaj në mes të terroristëve, sytë e djalit të saj.

Në Kopenhagen ndodhet Karolina Dam, djali i saj Lukas kishte qenë në Siri për shtatë muaj. Tri ditë më parë, ajo mori lajme se ai ishte plagosur në Aleppo dhe e ulur e vetme në shtëpi i dërgoi atij një mesazh në Viber.

“Lukas të dua shumë, më ka marrë malli për aromën tënde. Dua të të shtrëngoj duart dhe të buzëqeshim të dy zemër”. Por Karolina sigurisht që nuk mori përgjigje atë moment. Një mesazh i vjen në Viber, fill pas një muaji ku i shkruan:

“Po në lidhje me duart e mia”

Dam nuk kishte asnjë ide se kush mund ta kishte në duar telefonin e djalit të saj dhe i shkruan “Edhe tuajën, zemër, por kryesisht duart e Lukasit”.

“A mund të të jap disa lajme?” Trupi i djalit tuaj është bërë copë e çikë”.

Torill e cila kërkon të mos i përmendet mbiemri jeton në Norvegji. Djali i saj Thom Aleksandër nuk jeton më. Lajmin u a ka dhënë motrave të tij rekrutuesi që e dërgoi djaloshin në Siri, duke ju treguar vajzave foton ku djali shfaqej me një plumb në kokë dhe ku i kishte dalë nga vendi njëri sy. Për nënën e tij ky ishte një moment shokues.

Në Bruksel kemi një tjetër nënë që vuan humbjen e djalit të saj, ajo është Saliha Ben Ali e cila ka emigruar në Belgjikë. Ajo tregon se ditën kur i biri ishte duke vdekur, ajo kishte një dhimbje të tmerrshme stomaku, i cili u shtua edhe më shumë kur bashkëshorti i saj mori telefonatën për humbjen e djalit të tyre në Siri.

Këto janë katër nga qindra mijëra historitë, ku nëna të ndryshme nga e gjithë bota kanë humbur fëmijët e tyre në shtetin Islamik.

 

 

KOMENTO (0)

Shkruaj nje koment

    Pas