Vazhdon të trondisë ngjarja e ndodhur në Mbyet të Fierit, ku një vajzë 12 vjeçare dyshohet se është përdhunuar disa herë nga bashkëjetuesi i nënës së saj. Skenat kanë ndodhur edhe në sytë e nënës së vajzës 12 vjeçare. Në fillim 40-vjeçarja Selvie Yzeiraj kishte thënë në polici se nuk ishte në dijeni, por një ditë më pas ka ndryshuar dëshminë duke pranuar se ka qenë prezent kur bashkëjetuesi i saj, Ilmi Hoxha, ka kryer marrëdhënie seksuale me të bijën vetëm 12 vjeçe.
“Po, i kam parë që të kryenin marrëdhënie, por kisha turp ta tregoja se do bëhej vajza me fjalë”, ishin deklarimet e saj në policinë e Fierit.
Më tej ajo ka thënë se “i kam gjetur dy a tri herë që kryenin marrëdhënie, por nuk kam dashur t’i hap fjalë vajzës, prandaj nuk kam reaguar, ndërkohë me Ilmiun prandaj bënim sherr çdo ditë. Ai nuk e trajtonte si vajzën e tij, lëreni çfarë thotë tani. Ja, pyesni vajzën”, ka thënë ajo, ndërsa një ditë më parë u shpreh se nuk ishte në dijeni të rasteve.
Vajza e mitur ka shkuar në polici e shoqëruar nga daja, 3-4 ditë më parë dhe ka denoncuar nënën e saj dhe të dashurin e nënës me të cilin bashkëjetonte. Ajo ka thënë se Ilmi hoxha e kishte përdhunuar dhe vazhdonte të kryente marrëdhënie me të për disa vite. Po sipas vajzës, ai kishte miratimin e nënës, Selvie Yzeiraj.
Ndërsa 52vjeçari tashmë i arrestuar bashkë me gruan 40 vjeçare ka thënë në polici se e gjitha është e inskenuar nga Selvia.
Nga ana tjetër prokuroria po heton pasi vajza ka rezultuar nga vizita tek gjinekologu e defloruar (e hershme). Ka dyshime se edhe burra të tjerë mund të kenë kryer marrëdhënie me të miturën.
