Një nëne e re hodhi foshnjen e porsalindur nga dritarja e apartamentit që ndodhej në katin e 17, sepse i dashuri i saj i martuar, e braktisi për t’u kthyer tek familja e tij.
20 – vjeçarja Netchanok Nokyungtong, nga Tailanda, e pranoi krimin e rëndë para oficerëve të policisë. Ajo u tha se ishte ndjerë e dëshpëruar kur i dashuri 40 – vjeçar e kishte braktisur dhe ishte kthyer në Korenë e Jugut, kur kishte marrë vesh se e reja ishte shtatzënë.
Sipas asaj që shkruan DailyMail, Nokyungtong lindi në apartamentin e saj në një bllok banimi në Pattaya, Tailandë dhe solli në jetë një djalë pasditen e së martës.
Fare pak kohë më pas, 20 – vjeçarja e mbështolli atë me një qese plastike dhe e hodhi nga dritarja e dhomës së gjumit.
Një dëshmitar tha se kishte parë një objekt të madh të binte nga dritarja rreth orës 17:00 dhe kishte dalë me vrap jashtë. Ai ishte tmerruar kur kishte gjetur foshnjen e pajetë.
Ai njoftoi policinë.
Kjo e fundit e gjeti beben në një qese plastike me kordonin e kërthizës ende në trup. Bebja gjeti vdekjen e menjëhershme.
Oficerët e policisë kontrolluan kamerat e sigurisë dhe më pas vunë në pranga 20 – vjeçaren.
Duke folur për mediat në vend, një zyrtar i policisë e konsideroi këtë një krim brutal dhe u shpreh se nëna e re nuk kishte shfaqur asnjë pendesë për veprimin e saj./tvklan.al
