Gjykata e Tiranës ka lëshuar urdhër mbrojtjeje për një nënë 56-vjeçare të kërcënuar nga e bija e saj 21 vjeçe. Sipas gjykatës, paditësja F. S. prej kohësh dhunohej fizikisht dhe psikologjikisht nga vajza e saj.
Përmes sjelljes agresive, deri tek e kapura e të ëmës për fyti, e reja A. S. kërkonte para prej saj. Në gjykatë nëna ka pohuar se gjithë “terrorin” e së bijës e ka falur, me qëllim normalizimin e marrëdhënies. Sipas 56-vjeçares, gjatë muajit të fundit, e bija i ka bërë presion të vazhdueshëm duke i kërkuar t’i japë një shumë prej 3 milionë lekësh.
Kjo kërkesë ka ardhur në një kohë që paditësja vetëm pak muaj më parë i ka dhënë të bijës një shumë prej 3.8 milionë lekësh të vjetër, raporton panorama.
Kjo shumë është marrë borxh prej saj te një person i njohur. Këmbëngulja e së bijës për një tjetër shumë e ka çuarsërish 56-vjeçaren te personi që i dha borxhin e parë, por ka hasur në refuzimin e tij.
Kur paditësja e ka pyetur të bijën se përse e kërkonte këtë shumë lekësh, ajo i është përgjigjur se edhe sikur në dhe të futej, asaj nuk do t’ia tregonte.
“Kur paditësja ka përfunduar orarin e punës, ka shkuar në Komisariatin e Policisë për të shprehur shqetë- simin e saj, pasi ndihej e frikësuar dhe nën presion nga pala e paditur kur të kthehej në shtëpi, meqenëse ajo nuk ia kishte gjetur lekët që kërkonte.
E vënë në dijeni për kallë- zimin e saj në polici, 21-vjeçarja është bërë agresive ndaj të ëmës, duke thyer disa sende në shtëpi.
Në këto kushte, paditësja e frikësuar ka vajtur përsëri në Komisariatin e Policisë nr. 3 Tiranë, ku ka denoncuar dhunën e së bijës, si dhe ka kërkuar mbrojtje.
