Elena Del Pozzo, 5 vjeçe është vrarë dhe varrosur nga nëna e saj, 23-vjeçarja Martina Patti.
Mediat italiane kanë publikuar foto e babit të 5-vjeçares në momentin që ai merr vesh për vdekjen e vajzës së tij.
24-vjeçari, Alessandro Nicodemo Del Pozzo ka shkuar menjëherë në vendin ku u gjet trupi i pajetë i vajzës së tij. Ai shihet i dëshpëruar teksa ngushëllohet nga familjarët e tij.
Ndërsa ka qenë nëna e vogëlushes ajo që ka treguar ku ndodhej trupi i pajeti i vajzës, pas presionit të ushtruar gjatë marrjes në pyetje nga hetuesit.
Babai dhe nëna e Elenës, Martina Patti, ishin ndarë prej kohësh. Italia u trondit ditën e sotme, pasi 5-vjeçarja, Elena Del Pozzo, e cila ishte denoncuar e zhdukur nga familja, u gjet e vdekur në zonën e Katanias.
Pak orë pas nisjes së kërkimeve, nëna e saj Martina Patti, 23 vjeçe, ka rrëfyer se e ka qenë ajo vetë që e ka vrarë dhe varrosur të bijën aty, ndërsa nuk dihen ende se si dhe pse ajo e ka vrarë 5-vjeçaren./Opinion.al
