Në prag të Krishtlindjeve Cristiano Ronaldo së bashku me Georginan, kanë vizituar fëmijët që janë shtruar në spitalin onkologjik në Torino. Ndërsa nga Bergamo vjen apeli i një nënë, që i lutet CR7 t’i bëjë një vizitë djalit të saj të sëmurë.
Kjo është historia e Gabriel, dhjetë vjeç, nga Nembro, i shtruar në qershor në spitalin Papa Giovani të Bergamo.
Sot në 26 dhjetor Juventus do të luajë kundër Atalantës dhe në këtë ditë nëna e tij ëndërron t’i bëjë një dhuratë të veçantë Gabrielit të vogël: ’Mirëdita jam nëna e Gabriel, një djalë dhjetë vjeçar shumë i bukur, që në qershor është shtruar në spitalin Papa Gionavani për një ndeshje shumë më të vështirë, atë me jetën- thuhet në një letër publike në gazetat lokale. Kundërshtari i tij është leukemia akute. Në këto ditë ai është në fund të kimeoterapisë së tij. Shpresojmë që gjithçka të shkojë mirë për të dhe që pas disa ditësh të mund të kthehemi në shtëpi, ku pavarësisht të gjithave duhet të bëjë kontrolle të vazhdueshme për shumë vite.
Gabriel ka një dëshirë shumë të madhe: ”Si një tifoz i Juventusit i pëlqen të ketë një vizitë nga Cristiano Ronaldo, ose nga ndonjë futbollist bardhë e zi, meqë në 26 dhjetor këtu në Bergamo ekipi juaj do të luajë kundër Atalantës. E di që nuk është e lehtë, por për të do të ishin Krishtlindjet më të bukura”. Për të ditur nëse ëndrra e Gabriel do të bëhet realitet na duhet të presin edhe pak orë.
