Një vajzë 18 vjeçare në Pakistan është djegur e gjallë nga nëna dhe vëllai i saj për shkak se ajo është martuar me një burrë sipas dëshirës së saj.
Policia ka raportuar se vajza 18 vjeçare e quajtur Zeenat ka vdekur në vend, ndërsa policia ka arrestuar nënën e saj dhe janë në kërkim të të vëllait, transmeton lajmi.net
Nëna i ka thënë policisë se vajza e saj kishte kryer një “krim të pafalshëm”, duke u martuar me një burrë, pasi ajo e donte dhe ka ikur me të.
Zeenat kishte kontaktuar prindërit pasi kishte ikur me të dashurin e saj për t’i pyetur nëse do t’ia jepnin bekimin.
Ata së pari i kishin thënë se do të pranonin martesën e saj, por kur ajo është kthyer në shtëpi është torturuar dhe më pastaj nëna dhe vëllai e kanë lagur me benzinë dhe e kanë djegur.
Policia ende është në kërkim të vëllait të saj që së bashku me nënën e tij të dalin para gjykatës dhe të dënohen për krimin mizor.
