Dy djem të mitur kanë humbur kontaktet me familjarët prej 13 ditësh. Ka qenë nëna ajo që ka kallzuar në polici zhdukjen e tyre.
Sipas policisë, gruaja thotë se dy djemtë të moshës 15 dhe 17 vjeç, janë larguar nga shtëpia që prej datës 1 të këtij muaji dhe nuk janë kthyer më. Ndërkohë autoritetet po punojnë për gjetjen e dy të miturve.
“Më datë 14.06.2022, shtetasja D. K., 49 vjeçe, banuese në lagjen “Skënderbeg”, Shkodër, ka bërë kallëzim se më datë 01.06.2022, janë larguar nga banesa dhe nuk janë kthyer më 2 djemtë e saj, shtetasit K. P., 17 vjeç dhe K. P., 15 vjeç. Punohet për gjetjen e tyre”, thotë policia.
