Ditën e sotme ka nisur shpërndarja e materialeve zgjedhore për bashkinë e Elbasanit.
Mësohet se materialet zgjedhore po shpërndahen nën masa të rrepta sigurie, të shoqëruara nga mjetet e ushtrisë dhe forcat e policisë në dy nga katër KZAZ të bashkisë Elbasan.
Përveç Elbasanit, materialet zgjedhore kanë mbërritur edhe në qarkun e Korçës dhe të Beratit.
Kujtojmë se zgjedhjet e 11 majit do të zhvillohen ditën e dielë, për të përcaktuar parlamentin e Shqipërisë për 4 vitet e ardhshme dhe qeverinë e re.
