Një e moshuar është nën hetim nga Prokuroria, pasi në llogaritë e saj bankare kanë lëvizur shuma të mëdha parash nga vende me origjina të dyshimta.
Ajo është Vera Pustina, banuese në Tiranë. Në llogaritë e saj janë bërë transferta parash nga më shumë se 40 kompani fantazmë nga Kina, Franca, Britania dhe Libani.
Kështu, sipas hetimeve, më 13 tetor të këtij viti, në favor të shtetases në fjalë kanë mbërritur 18 mijë dollarë nga një kompani në kinë e quajtur “Shengli Limited”. Ndërkohë, një subjekt tjetër që prezantohej si përfaqësues i firmës së rrobave “Versace” ka dërguar para të tjera në llogarinë e të hetuarës.
Mirëpo, gruaja në fjalë rezulton që nuk ka asnjë biznes të regjistruar në QKR. Për këtë arsye kanë nisur hetimet ndaj saj duke sekuestruar edhe llogaritë bankare.
