Aktualitet

Negociatat/ Rumania: Jo ndarjes së Shqipërisë nga Maqedonia e Veriut


Bëhu pjesë e Grupit Zyrtar të Opinion.al
>> KËTU <<
               Publikuar në : 20:01 - 14/04/22 |
Opi Nion

Shefi i diplomacisë rumune Bogdan Auresku nga Shkupi  njoftoi se Rumania nuk do të mbështesë ndarjen e Maqedonisë së Veriut nga Shqipëria në rrugën drejt Bashkimit Evropian. Ai bëri të ditur se vendi i tij mbështet fortë anëtarësimin e Maqedonisë së Veriut në BE dhe në të njëjtën kohë po punohet ngushtë për çështje shumë komplekse.

“Nuk ka bisedime për ndarjen e Maqedonisë së Veriut nga Shqipëria. Ne nuk e mbështesim këtë ndarje. Është e rëndësishme të gjendet një zgjidhje sa më shpejt që të jetë e mundur për fillimin e negociatave me dy vendet së bashku”.

Nga ana tjetër, Ministri Jashtëm, Bujar Osmani theksoi se vendimi për ndarjen e Shkupit nga Tirana është në dorën e vendeve anëtare, por sipas tij, ndarja nuk është as edhe në interesin afatgjatë të Shqipërisë.

“Sigurisht që Shqipëria ka të drejtë të ngrejë zërin, të thotë se i kemi plotësuar të gjitha kriteret, sepse unë jam peng i dosjes së një vendi tjetër. Megjithatë, jam i vetëdijshëm se edhe Shqipëria ndan mendimin se në planin afatgjatë nuk i përgjigjet dhe shumë vende anëtare besojnë se do të përkeqësojë dinamikën rajonale nëse kjo ndodh”.

Sipas Osmanit, deri tani nuk ka sinjale nga asnjë shtet anëtar që do të preferonte ndarjen e pakos.

“Të gjithë janë të interesuar që të përfundojë kjo punë për të dyja vendet. Por jam i sigurt se çështja do të bëhet aktuale nga qershori, nëse nuk i nisim negociatat”.

Përndryshe, Kryeministri shqiptar Edi Rama ka deklaruar vazhdimisht se do të kërkojë ndarjen e Shkupit nga Tirana në rrugën drejt BE-së, nëse Maqedonia e Veriut nuk e zgjidh çështjen me Bullgarinë deri në qershor.

Pas