Kryeministri Edi Rama ka reaguar sot për mbledhjen e fundit që kanë zhvilluar ministrat e jashtëm të BE.
Në një postim në Twitter, Rama është ndalur tek negociatat dhe ka bërë një paralelizëm me veprën e Samuel Becket, “Duke pritur Godonë”, duke ironizuar në këtë mënyrë vonesën e procesit.
Më tej ai shton se çdo ngjashmëri me person apo ngjarje konkrete është rastësi.
“Pse mendoj kaq shpesh në ditët e sotme për kryeveprën e Samuel Beckett ndërsa ndjek deklaratat për Shqipërinë dhe Maqedoninë e Veriut? (Çdo ngjashmëri me ngjarje apo persona të vërtetë, të gjallë ose të vdekur, është sigurisht e rastësishme) #FutureofEurope“, shkruan Rama.
Një ditë më parë ministrat e jashtëm të BE kanë rekomanduar sërish hapjen e negociatave me Shqipërinë dhe Maqedoninë e Veriut./Opinion.al
