Enkelejd Alibeaj ka reaguar në lidhje me takimin e zhvilluar mes kryetarëve të grupeve parlamentare dhe kryetares së Kuvendit Lindita Nikolla, për të negociuar për rikthimin në normalitet të jetës parlamentare.
Përmes një postimi në “Facebook” ai shkruan se Partia Socialiste duhet të sqarojë nëse ka vendosur që të bëjë Pazar për Reformën Zgjedhore.
Më tej thumbon grupin e Berishës dhe të Bardhit duke thënë se në emër të PD nuk mund të flasë asnjë i emëruar apo i dëshiruar i Edi Ramës.
Reagimi:
Dy sqarime që publiku ka nevojë t’i dijë lidhur me negociata sekrete apo marrëveshje okulte të përfolura në media:
PS duhet të sqarojë nëse ka vendosur të bëjë pazar për Reformën Zgjedhore. Në media referuar burimeve nga PS dhe grupi i Sali Berishës, është bërë e ditur se ka një dakordësi për të dështuar Komisionin e Reformës Zgjedhore në mënyrë që çështja të kalojë në Komisionin e Ligjeve ku socialistët kanë vendimarrjen me shumicë votash e sidomos ku opozitës i mohohet e drejta e Vetos, si garanci që PS të mos bëjë ligj zgjedhor të njëanëshëm duke peshkuar vota opozitare. Dihet se ata janë kundër votës së diasporës, votimit elektronik, listave të hapura, një zone elektorale. Nëse kjo është e vërtetë ky është një pazar në kurriz të shqiptarëve dhe për interesa të dy individëve që duan të mbajnë peng Shqipërinë, Rama dhe Berisha.
2. Në emër të PD nuk mund të flasë asnjë i emëruar apo i dëshiruar i Edi Ramës.
