Ministrat e Jashtem te BE vendosen dje të mos i hapin negociatat e Shqipërisë këtë vit por i shtynë për në 2019. Ashtu si dhe qeveria, ambasada e SHBA ne Tirane e sheh vendimin si pozitiv.
Postimi në facebook:
Përgëzojmë Shqipërinë për vendimin pozitiv në lidhje me hapjen e bisedimeve për anëtarësim në BE. Shqipëria ka bërë përparim domethënës dhe tani nevojitet të rrisë përpjekjet për të përfunduar reformat kyçe. Ne e nxisim Shqipërinë që të rrisë ritmin në reformën në drejtësi, luftën kundër korrupsionit dhe kundër krimit të organizuar.
Bashkimi Europian dakordoi të martën (26 qershor) se do të hapte negociatat e Shqipërisë dhe Maqedonisë në qershor të vitit të ardhshëm, me kusht që të plotësohen një sërë kushtesh, si: sundimi i ligjit, lufta kundër krimit dhe korrupsionit.
“Shtetet anëtare të BE përcaktuan rrugën drejt negociatave të pranimit me ish-republikën jugosllave të Maqedonisë dhe Shqipërisë në qershor të vitit 2019,” njoftoi presidenca bullgare e BE në Twitter pas 10 orësh debatesh.
