Ministri i Jashtëm grek Jorgos Katrugalos deklaroi se në mbledhjen e djeshme të Këshillit Europian, Shqipërisë ju vu një tjetër kusht për çeljen e negociatave. Sipas tij te drejtat e pronësisë se minoritetit grek si dhe e drejta e vetëdeklarimit janë përcaktuar si kritere për integrimin e Shqipërisë ne BE.
“Ky vendim është një sukses i rëndësishëm ne radhe te pare për mbrojtjet e te drejtave te minoritetit tonë në Shqipëri. Për herë të parë në mënyre kaq të qarte lidhet perspektiva europiane e Shqipërisë me respektimin e të drejtave të minoritetit në zonën e Himarës dhe jo vetëm, e dyta e drejta e vetëdeklarimit është shumë e rëndësishme. Pritet ne Shqipëri legjislacioni përkatës dhe duhet të shohim se si një minoritar grek do te mund te vetëdeklarohet si i tille” tha Katrugalos.
Këshilli i Çështjeve të Përgjithshme i Bashkimit Europian vendosi dje të shtyjë vendimin për negociatat me Shqipërinë në muajin tetor. Ministri i Jashtëm në detyrë, Gent Cakaj tha dje se është një sukses që Shqipërisë nuk ju vunë kushte të reja për negociatat. Ndërkohë që sot Ministria e Jashtme nuk u përgjigj në lidhje me deklaratat e kryediplomatit grek. /Opinion.al
