Matthew Palmer, i ngarkuari i posaçëm i SHBA-së për Ballkanin Perëndimor, ka qenë i pranishëm në Forumin Strategjik të Bledit, i cili po zhvillohet në Slloveni.
Gjatë fjalës së tij në Forumin me temë “Ballkani Perëndimor –Evropianizimi, Demokratizimi”, zyrtari amerikan është shprehur se SHBA mbështesin hapjen e negociatave me BE për Shqipërinë dhe Maqedoninë e Veriut.
Po ashtu, Palmer theksoi dhe te objektivat e SHBA; Të mundësojë hapjen e negociatave për Shqipërinë dhe Maqedoninë e Veriut. Të mundësoje dialogun Serbi- Kosovë dhe gjetjen e zgjidhjeve për problematikat kryesore. Bosnja dhe Herzegovina të bëhet një shtet funksional.
Pjesë nga fjala e Palmerit:
“Vitet e fundit është folur shumë pse USA nuk është prezent në Ballkan dhe nuk e ka me shumë në fokus. Pikërisht për këtë arsye për të qenë prezent më shumë në rajon, dhe duke takuar me shume drejtuesit e rajonit, synimet kryesore të punës janë:
-Të mundësojë hapjen e negociatave për Shqipërinë dhe Maqedoninë e Veriut;
-Të mundësoje dialogun Serbi- Kosovë dhe gjetjen e zgjidhjeve për problematikat kryesore;
-Bosnja dhe Herzegovina të bëhet një shtet funksional.”/ Opinion.al E.Xh.
