Në një kohë kur negociatat me SHBA-në janë të bllokuara, Koreja e Veriut ka hedhur dy raketa në det, për të ritreguar aftësitë ushtarake dhe për të “kërkuar vëmendjen” e munguar nga koronavirusi, fushatat për zgjedhjet presidenciale në SHBA, apo dhe konflikti Amerikë-Iran.
Zyrtarët në Seul kanë konfirmuar nisjen e raketave më 2 mars, mirëpo nuk kanë dhënë informacione nëse ato kanë qenë balistike apo armë të tjera bërthamore.
Lideri i Koresë së Veriut, Kim Jong-un deklaroi në muajin dhjetor se shteti që ai drejton shumë shpejt do të lançojë një armë të re, teksa ka shprehur zemërim për mungesën e përparimit në bisedimet me Uashingtonin.
Kim, është takuar deri më tani tri herë me Trumpin mirëpo bisedimet nuk kanë pasur rezultat. Ai ka kërkuar ulje të madhe të sanksioneve amerikane në këmbim të pezullimit të një pjese të programit bërthamor./Opinion.al
