Ministri i Jashtëm sllovak Miroslav Lajcak, tha sot në Luksemburg se Maqedonia e Veriut ka më shumë shanse për hapjen e negociatave sesa Shqipëria për shkak të krizës politike në Tiranë. Kryetari në detyrë i OSBE cilësoi se procesi mes dy vendeve është i ndarë pasi edhe fakti që negociatat mund ti hapen të dyve njëkohësisht nuk do të thotë që do të përfundojnë në të njëjtën kohë.
“Maqedonia e Veriut ka më shumë shanse, ka një krize politike ne Shqipëri, te hapesh negociatat me te nuk është njësoj si te mbyllesh negociatat, kështu është një proces ne kontroll te plote, nëse ata i fillojnë ne te njëjtën kohe nuk do te thotë qe do i përfundojnë ne te njëjtën kohe” tha Lajcak
Shefat e diplomacive të vendeve anëtare të Bashkimit Europian janë mbledhur në Luksemburg për të diskutuar çështje të politikës së jashtme. Në lidhje me hapjen e negociatave me Shqipërinë, zyrtaraj e lartë e BE-së, Federica Mogherini u shpreh se Shqipërisë i duhen hapur negociatat. Ndërsa Komisioneri për zgjerimin, Hahn nuk e përmendi Shqipërinë në fjalën e tij por vetëm Maqedoninë e Veriut.
“Sot shënohet nje vit nga nënshkrimi i marrëveshjes se Prespës, ne duhet te vlerësojmë guximin e lidershipit, dhe hapat e rendesishem qe jane ndërmarre ne Ballkanin Perëndimor dhe shpresoj qe vendet anëtare do te kujtohen per kete fakt dhe do te vlerësojnë ne vendimin qe do te marrin per hapjen e negociatave edhe per Shqipërinë, edhe per Maqedonie e Veriut. Dhe shpresoj te behet sa me shpejt te jete e mundur” tha Mogherini.
“Ne ende po negociojmë per Maqedonie e Veriut, ata kane bere gjithçka, nuk behet fjale per per Maqedonie e Veriut, por është nje sinjal i qarte per te gjithë rajonin edhe per Serbinë dhe Kosovën. Njerëzit duhet te dine se sa e rëndësishme është te japim sinjale ne interes te gjithë rajonit” ishte fjala e Hahn.
Nesër ministrat e jashtëm do të zhvendosen në Bruksel, ku pritet të diskutohet për hapjen e negociatave me Shqipërinë dhe Maqedoninë e Veriut. /Opinion.al
