Takimi prej më shumë se tre orësh mes Bashës dhe Ramës në praninë e Presidentit Nishani që ishte edhe pritës i tij ka dështuar.
Ky është lajmi që është bërë tashmë publik i cili është shoqëruar nga sqarimi që Rama ka qenë kategorik kundër kërkesave të PD, por pa sqaruar nëse ka qenë kundër thjeshtë për Qeverinë Tenike apo edhe për disa kërkesa që i konfirmoi në 25 Prill dhe që me gjasë i ka ndryshuar sërish.
Për votimin elektronik, besohet se Rama ka deklaruar se mund të zgjidhet në zgjedhjet e ardhshme. Një ndër të cilët është edhe shtyrja e zgjedhjeve.
Ajo që nuk dihet është nëse dështimi ka qenë përfundimtar apo ka shanse të rihapen sërish negociatat me një platformë të re. Basha qendroi në takim tek Nishani edhe një orë më shumë i shoqëruar nga Paloka, ndërkohë që pas takimit është drejtuar për në “ABA21” ku janë edhe zyrat e Berishës, por edhe të bashkëshortes së tij.
Basha ka pasur takime intensive me Berishën dje, në mesditë, pas mbledhjes së grupit të PD dhe në orët e vona të natës.
Ndërkohë duket se limitet kohore për pjesëmarrjen e opozitës në zgjedhje skaduan në mesnatën e djeshme. /Opinion.al
