Nesër do të zhvillohet mbledhja e ministrave të Jashtëm të vendeve anëtare të Bashkimit Europian ku do të shqyrtohet çelja e negociatave me Shqipërinë dhe Maqedoninë e Veriut. Tashmë nuk janë më sekret vendet skeptike në këtë proces, ku kryesorja është Franca.
Lidhur me këtë çështje sot ka folur nga Korça ambasadorja franceze në Tiranë, Christine Vasac. Ajo tha se çështja e negociatave është shumë e rëndësishme për Francën por shtoi se ende nuk dihet se çfarë ka biseduar ditën e djeshme Presidenti Macron me Kancelaren Merkel.
“Nuk dua të fshihem pas gishtit. Ju keni ngritur pyetjet për rrugën europiane. Ju prisni, ne presim të gjithë bashkë përgjigjen e rëndësishme. Ne nuk dimë çfarë vendimi do jepet. Ky vendim do merret në unaminitet. Dje, kancelarja Merkel dhe Macron janë takuar në një takim të rëndësishëm.
Janë pyetje që na shpëtojnë dhe nuk i kapim dot. Është e vërtetë që Shqipëria dhe Maqedonia e Veriut presin një vendim për hapjen e negociatave për në BE. Por ka çështje, që janë po aq të rëndësishëm siç është çështja e Brexit. Ky është një problem i madh jo vetëm për Francën, por gjithë vendet e Europes dhe na intereson të gjithëve. Por ka gjithashtu çështje të tjera, të tjera siç është çështja e ngjarjeve në Siri. Është gjithmonë kështu. Por ta dini se dosja e hapjes së negociatave për Shqipërinë është shumë e rëndësishme, sepse ne kemi miqësi të vjetër me Shqipërinë dhe Maqedoninë e Veriut.”, -tha ambasadorja e Francë. /Opinion.al
