Ambasada gjermane në Tiranë në një postim në rrjetet sociale ka shprehur mbështetjen ndaj Shqipërisë për anëtarësimin në Bashkimin Europian.
Ambasada shkruan se lufta kundër pandëshkueshmërisë, korrupsionit dhe krimit të organizuar, duhet të mbeten prioritet i reformave në Shqipëri.
“Bisedimet për anëtarësim në BE kanë filluar! Gjermania do të vazhdojë të mbështesë më tej Shqipërinë, edhe në hapat e ardhshëm të zbatimit të reformës në drejtësi. Lufta kundër pandëshkueshmërisë, korrupsionit dhe krimit të organizuar mbeten synimet kryesore të reformave në Shqipëri. Në procesin e anëtarësimit sundimi i ligjit është tejet parësor”,-shkruhet në reagimin e ambasadës./Opinion.al
