Për rastin e zonjës Mirije Miraka e cila mori me vonesë përgjigjen e tamponit, emisioni “Stop” iu drejtua Qendrës Shëndetësore nr. 3 në Fier, Lagja “Afrimi i Ri”.
Por mjekja e familjes Matilda Grada, ishte vetë me raport. Ajo tha në telefon, se ditën, që zonja Miraka kërkonte tampon, kishte marrë njoftimin, që nuk kishte tampona.
Pas mjekes, “Stop” kërkoi shpjegim nga drejtoresha e Qendrës Shëndetësore, Migena Hoxha, e cila tha, se ka pasur një njoftim që nuk ka tampona, por doktoresha duhej t’i jepte qytetares rekomandimin.
Drejtoresha Migena Hoxha: Doktoresha e familjes në këtë rast jep vetëm formularin për bërjen e tamponit. Nëse ka apo jo tampona, këtë e vendos hetimi epidemiologjik në njësinë vendore.
Gazetarja: Zonjës i kanë thënë që…
Mjekja Matilda Grada: Nuk ka teste të shpejta, nuk ka teste të shpejta, nuk ka teste të shpejta!
Drejtoresha Migena Hoxha: Sipas informacioneve nga doktoresha, zonja ka kërkuar të bëjë tampon paraprakisht për të bërë vaksinën. Kjo nuk është….
Gazetarja: Për vaksinën nuk bëhet tampon, bëhet kur ke shenja
Drejtoresha Migena Hoxha: Po pra, këtë ka kërkuar. Jo, një njoftim zyrtar për këtë nuk ka!
Por çfarë thotë mjekja?
Mjekja Matilda Grada: Në momentin, që unë marr njoftimin nga drejtoria, që atë ditë nuk ka teste të shpejta, unë e vë në dijeni pacientin.
Në këtë mënyrë Qendra Shëndetësore ka vonuar rekomandimin për tampon, duke bërë që zonja të futet në operacion me Covid, duke rrezikuar veten dhe ekipin e mjekëve dhe infermierëve, që i shërbyen./Tv Klan
