Organizata e Kombeve të Bashkuara paralajmëron se një numër rekord prej 168 milionë personash, ose 1 në 45 vetë në të gjithë botën do të kenë nevojë për ndihmë në vitin 2020.
“Në 2020-tën, afërsisht 168 milionë njerëz do të kenë nevojë për ndihma dhe mbrojtje, shifra më e lartë kjo që prej Luftës së Dytë Botërore. Situata do të përkeqësohet edhe më shumë, nëse ndryshimi klimatik apo shkaqet që gjenerojnë konflikte nuk do të adresohen. Projeksionet tona tregojnë se në 2022-shin numri i personave në nevojë do të shkojë në 200 milionë”, tha Mark Lowcock, zv.sekretar i Përgjithshëm për Çështjet Humanitare.
Sipas OKB, më shumë persona janë prekur nga konfliktet, ngjarje që lidhen me ndryshimet klimatike apo tkurrjen e ekonomive.
Kujtojmë se në vitin 2018, OKB parashikoi se 146 milionë persona apo 1 në 50 njerëz në botë,do të kishin nevojë për ushqime, strehim, kujdes shëndetësor apo asistencë bazike, por shifra rezultoi më e lartë./Opinion.al
