Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Në tetor vaksinimi kundër COVID-19 u ul me 40% në Shqipëri

2021/11/04 at 8:25 PM
në Aktualitet, Te Fundit
Kohë leximi: 4 min
A A
Në tetor vaksinimi kundër COVID-19 u ul me 40% në Shqipëri

Në vendin tonë, procesi i vaksinimit të popullsisë shënoi një rënie të ndjeshme gjatë muajit tetor me gati 40 përqind, krahasuar me dy muajt e mëparshëm.


Megjithatë autoritetet thonë se aktualisht ka një ritëm të qëndrueshëm. Sasitë më të mëdha në dispozicion dhe përmirësimi i infrastrukturës për shpërndarjen e tyre, shihen si një mundësi për të ecur më shpejt. Ministrja e Shëndetësisë Ogerta Manastirliu deklaroi sot se Shqipëria do të ndjekë objektivin e OBSH-së, për mbulesë vaksinale të 70 % të popullatës, deri në mesin e vitit 2022.

Gjatë muajve të verës, fushata e vaksinimit eci me ritme të larta, me një mesatare ditore prej 7500 dozash, në korrik, duke u rritur më pas në afro 8900 doza në gusht e në shtator. Por në muajin tetor, u rregjistrua një tkurrje e ndjeshme. Të dhënat zyrtare të përpunuara nga Zëri i Amerikës tregojnë se muajin e kaluar shifrat ranë me gati 40 përqind, duke zbritur në një mesatare ditore prej pak më shumë se 5400 vaksinime.

Aktualisht, rezulton se mbi 47 përqind e popullatës mbi 18 vjeç ka marrë të paktën një dozë të vaksinës anti covid, ndërsa 41.3 përqind i ka marrë të dyja dozat.

Grupmosha mbi 60 vjeç është ajo më mirë e vaksinuar, edhe sepse ishte në kategoritë me përparësi për vaksinim. “Të paktën sipas një vlerësimi të bërë javën e kaluar, kanë qenë 70 përqind e tyre me dozë të parë dhe 65 me dozë të dytë. Kjo është një shifër shumë e rëndësishme se mosha 60+lus nuk e neglizhon dozën e dytë, respektojnë kohën dhe paraqiten për vaksinimi menjëherë sapo arrin momenti i vaksinimit”, shpjegon Përgjegjësja e programit kombëtar të vaksinimit Erida Nelaj.

Por si është situata me grupmoshat e tjera? “Edhe moshat 50-60 janë goxha mirë të vaksinuar, sepse ka dhe të sëmurë kronikë aty që kanë kërkuar vaksinimin menjëherë sapo u ul fasha moshore. Në moshat e reja, kemi po ashtu vaksinime. Kemi tani, studentët, grupmosha 18-24 vjeç, po pëson një rritje në vaksinim. Dhe është shumë e rëndësishme, se janë studentë që do futen në auditore me 80 vetë e do duhet të mbrojnë, profesorët, shokët e tyre por dhe kur kthehen në fundjava, familjarët e tyre”, shprehet zonja Nelaj.

Ashtu si dhe në vende të ndryshme të botës, teoritë konspirative kanë patur efektin e tyre frenues. Zonja Nelaj thotë se nuk bëhet fjalë aq shumë për një qëndrim refuzues ndaj vaksinës, se sa hezitues: “Qarkullimi i miteve është shumë i dëmshëm në këtë situatë. Nganjëherë njerëzit dëgjojnë atë që duan të dëgjojnë. Ose dëgjojnë diçka që me të vërtetë është e gabuar , por ju pëlqen dhe fokusohen aty dhe e përdorin si element për të mos u vaksinuar, kur duhet realisht të dëgjohet shkenca, të dëgjohen teknikët, të flitet me mjekun e familjes e të dëgjohen këshillat e mjekut”.

Sipas Përgjegjëses për programin kombëtar të vaksinimit, sasitë më të mëdha në dispozicion dhe përmirësimi i infrastrukturës për shpërndarjen e tyre, shihen si një mundësi për të ecur më shpejt. “Duke patur sasi e kemi dhe ne më të lehtë, duke shpërndarë dhe ne sasi më të mëdha. Nga ana tjetër kemi përmirësuar shumë logjistikën dhe ekzistencën e frigoriferëve -70 gradë. Nëse në fillim kishim vetëm ne në nivel qëndror, dhe duhet ta shpërndanim vaksinën, në fillim vetëm për 5 ditë në +2 deri +8 gradë, më pas me udhëzimet që erdhën nga Pfizer dhe aprovimet që mund të mbahet në këto temperature për një muaj, u lehtësua dhe administrimi dhe u mundësua shpërndarja e sasive të tjera. Tani e kemi më të lehtë. Kemi frigoriferë -70 gradë, të paktën në 12 pika në të gjithë Shqipërinë”, thotë zonja Nelaj.

Ndonëse ishte ndër vendet e para në rajon që siguroi furnizimin me vaksinave, Shqipëria rezulton të jetë e parafundit në Ballkan. Por sipas zonjës Nelaj, vendi ndoqi një strategji të mirëpërcaktuar, dhe ndërsa ajo vijon procesin me ritme të qëndrueshme, vendet e tjera, shpjegon ajo kanë një ecuri me të ulët, ndërsa vë në dukje, se “në popullata më të vogla procesi ecën dhe më shpejt. Jam e bindur se në këto vende që patën këtë hovin e madh, ngopen me vaksinimin dhe nuk kanë një rritje në vazhdimësi me vlera të larta, dhe kanë arritur një pikë që më pas rritja është shumë më e vogël. Ndërsa te ne vijon rrija me një ecuri të qëndrueshme çdo javë”.

Ministrja e Shëndetësisë Ogerta Manastirliu tha sot në parlament se Shqipëria do të ndjekë objektivin e OBSH-së, për mbulesë vaksinale të 70 % të popullatës, deri në mesin e vitit 2022. Megjithatë në programin qeverisës parashikohet një objektiv më ambicioz, për “garantimin e vaksinimin për të gjithë popullsinë mbi 16 vjeç deri në shkurt 2022”./ VOA

Etiketa: covid-19shqiperivaksinimi


Ju sugjerojmë

Fier/Gjenden 1000 mijë bimë narkotike, arrestohet 48 vjeçari. Çfarë iu sekuestrua..
Aktualitet

Fier/Gjenden 1000 mijë bimë narkotike, arrestohet 48 vjeçari. Çfarë iu sekuestrua..

22 Qershor, 2025 10:38 am
‘Të dënohen sulmet e SHBA’/ Irani: Mbledhje urgjente e Këshillit të Sigurimit të OKB
Bota

‘Të dënohen sulmet e SHBA’/ Irani: Mbledhje urgjente e Këshillit të Sigurimit të OKB

22 Qershor, 2025 10:19 am
Bregdeti “zien” nga pushues vendas e të huaj
Aktualitet

Bregdeti “zien” nga pushues vendas e të huaj

22 Qershor, 2025 9:58 am
“Parashikimet,Starmer mund të humbasë?”/Mbahen zgjedhjet lokale në Britaninë e Madhe
Bota

Sulmet e SHBA/Starmer kundër armëve bëthamore në Iran: Tryezë negociatash

22 Qershor, 2025 9:49 am
Bombardimet e SHBA, IAEA:S’ka rritje të niveleve të rrezatimit në centralet iraniane
Bota

Bombardimet e SHBA, IAEA:S’ka rritje të niveleve të rrezatimit në centralet iraniane

22 Qershor, 2025 9:46 am
Zotohet Netanyahu: Do ta ndal programin bërthamor të Iranit me ose pa Trump
Bota

Bombardimet e SHBA/Netanyahu:Urime Presidentit Trump! Vendimi do ndryshojë historinë

22 Qershor, 2025 9:36 am
Kryeministri Rama ndan pamjet mahnitëse: Një perlë e rivierës shqiptare
Aktualitet

Kryeministri Rama ndan pamjet mahnitëse: Një perlë e rivierës shqiptare

22 Qershor, 2025 9:10 am
Bombardimi i centraleve bërthamore nga SHBA, reagon Irani: Do të ketë pasoja..
Bota

Bombardimi i centraleve bërthamore nga SHBA, reagon Irani: Do të ketë pasoja..

22 Qershor, 2025 9:09 am
SHBA-të bombardojnë centralet bërthamore iraniane, Trump: Ja qëllimi ynë…
Bota

SHBA-të bombardojnë centralet bërthamore iraniane, Trump: Ja qëllimi ynë…

22 Qershor, 2025 8:45 am
Parashikimi i motit, 17 shtator 2024
Aktualitet

Parashikimi i motit për ditën e sotme, 22 qershor 2025

22 Qershor, 2025 8:28 am
Para
Ndiqni live emisionin “Opinion”

Ndiqni live emisionin “Opinion”

Nishani: Janë mbledhur mbi 70% të firmave të delegatëve të Kuvendit të PD

Nishani: Janë mbledhur mbi 70% të firmave të delegatëve të Kuvendit të PD

Policia Rrugore në aksion me makinë “borxh”, i ndryshon bojën

Policia Rrugore në aksion me makinë “borxh”, i ndryshon bojën
















TE FUNDIT

Fier/Gjenden 1000 mijë bimë narkotike, arrestohet 48 vjeçari. Çfarë iu sekuestrua..

Fier/Gjenden 1000 mijë bimë narkotike, arrestohet 48 vjeçari. Çfarë iu sekuestrua..
22 Qershor, 2025

Gjenden dhe asgjësohen përgjatë kanaleve kulluese në fshatin Povelçë, në Fier 1000 bimë narkotike kanabis. Nga ana tjetër, policia sekuestroi...

Lexo më shumë

‘Të dënohen sulmet e SHBA’/ Irani: Mbledhje urgjente e Këshillit të Sigurimit të OKB

‘Të dënohen sulmet e SHBA’/ Irani: Mbledhje urgjente e Këshillit të Sigurimit të OKB
22 Qershor, 2025

Takim urgjent i Këshillit të Sigurimit të OKB-së. Kjo ka qenë kërkesa e Iranit, duke kërkuar të dënojë sulmet e...

Lexo më shumë

Bregdeti “zien” nga pushues vendas e të huaj

Bregdeti “zien” nga pushues vendas e të huaj
22 Qershor, 2025

Vapa përvëluese e verës ka mbushur plazhet shqiptare me mijëra pushues. Nga Currilat e Durrësit e deri përtej Golemit të...

Lexo më shumë

Sulmet e SHBA/Starmer kundër armëve bëthamore në Iran: Tryezë negociatash

“Parashikimet,Starmer mund të humbasë?”/Mbahen zgjedhjet lokale në Britaninë e Madhe
22 Qershor, 2025

Sir Keir Starmer, kryeministri i Mbretërisë së Bashkuar ka reaguar pas sulmeve amerikane kundër centraleve bërthamore iraniane gjatë natës. Starmer...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com