Kryeministri Edi Rama ka zhvilluar pasditen e sotme një takim me banorët në Has. Gjatë takimit të tij elektoral me banoret e zonës, ka patur veç mbështetësve te PS, edhe mbështetës te PD, te cilit kishin varur edhe flamurin e PD ne dritare dhe ngrinin 6 gishta, për të treguar numrin që renditet PD në fletën e votimit. Rama ju përgjigj atyre duke ju thënë se e ka mik Lulzim Bashën ndaj dhe nuk duhet të bërtisnin:
“Ti mos bërtit aty, se e kam mik unë Lulin. Ju them miqësisht Luli është i mirë për në TV, ama u fik TV Lulin e keni për qejf të vet. Merrni në telefon kushërinjtë që keni në Tiranë, e kishin 4 vjet ata kryetar bashkie. Katër vjet sahati i Tiranës nuk punon. Ti që më bërtet që aty mos më bërtit se i thashë Lulit. C’është ajo 6, se fitoni ca deputetë të opozitës në Parlament, nuk fitoni me shume, ndaj votoni 2 dëgjoni mua do dalin fjalët e mia ndaj mos na turpëroni. Se ju më keni borxh mua, kush ua nxori Lulin nga çadra? Ju s’do ishit aty tani do ishit në kafe e s’do kishit shans të merrnit pjesë në votime, ju jeni ul aty e tani do votoni”, u shpreh Rama.
