Një burrë 42 vjeç ka kërcënuar me armë në dorë vajzën me të cilën ka bashkëjetuar dhe familjarët e saj. ngjarja ka ndodhur në fshatin Fermë Çlirim.
Lajmin e bën të ditur policia, por motivet nuk i thotë. Fatmir Jonuzi, nga fshati Grabian i Lushnjes është autori i ngjarjes. Sipas policisë, Jonuzi ka shkuar i armatosur në banesën e ish bashkëjetueses me iniciale E.V, 26 vjeçe, banuese në fshatin Fermë Çlirim, dhe pasi ka debatuar me atë dhe anëtarët e familjes së saj, i ka kanosur ata armë zjarri automatik.
Policia bëri të mundur neutralizimin e autorit dhe sekuestroi në cilësinë e provës materiale armën e zjarrit, automatik model 56, si edhe një krehër me 26 fishekë.
Materialet proceduriale i kaluan Prokurorisë pranë Gjykatës së Shkallës së Parë Fier për veprat penale “Dhunë në familje” dhe “Prodhim dhe mbajtje pa leje të armëve dhe municionit luftarak”. /Opinion.al
