Paraditen e kësaj të premte qytetarët në Shkodër kanë dalë në protestë, ndërkohë që Gjykata e Apelit atje po zhvillon seancën gjyqësore për të dhënë vendimin për 11 kuksianët e arrestuar në protestë pak ditë më parë.
Nga ana tjetër kryeministri i vendit Edi Rama, po mban një takim për arsimin profesional, madje i qetë, ai ka dalë live si zakonisht tanimë në televizionin e tij ERTV.
Është hera e dytë që Rama e bën këtë, pasi pak ditë më parë kur opozita bllokoi rrugët dhe protestonte Rama doli live në Parlament dhe foli për anullimin e taksës për kuksianet.
Teksa Rama po flet për promovimin e shkollave profesionale, situata duket jo fortë e qetë në Shkodër pasi ka patur me qindra forca policore jashtë ambienteve të Gjykatës së Apelit, ndërkohë protestuesit bëjnë thirrje për lirimin e 11 qytetarëve të burgosur./Opinion.al
