Lulëzim Kusi, xhaxhai i vëllezërve Kusi, është arrestuar nga policia.
Mësohet se gjatë kontrolleve të ushtruara në banesën e tij u gjet 1 armë zjarri e dyshuar kallashnikov, 4 krehëra me fishekë, dylbi dhe 17 fishekë.
Kusi është pronari i një shtëpie në periferi të Tiranës ku dyshohet se u fshehën për disa ditë vëllezërit Kusi. Banesa dykatëshe është e veçuar nga shtëpitë e tjera të fshatit Allgjatë dhe ndodhet pranë Kasharit në periferi Tiranës.
Kusi është xhaxhai i vëllezërve Griseldo dhe Albano Kusi, të akuzuar për vrasjen e teknikut të kondicionerëve, të riut Indrit Celaj, i cili po kryente punime pranë shtëpisë së tyre në Tiranë në gusht të këtij viti./Opinion.al
