Goditet një rast i shpërndarjes së drogave të forta në Lushnje.
Policia ka arrestuar një 27 vjeçar pasi iu gjetën e sekuestruan në cilësinë e provës materiale 22 doza lëndë narkotike e dyshuar Kokainë. Në kuadër të operacionit të koduar “White” është arrestuar Marsel Korreshi, 27 vjeç, banues në lagjen “Kadri Qystri” Lushnje.
“Në bazë të informacioneve të mara në rrugë operative se në lagjen “Çlirimi” Lushnje shpërndahej lëndë narkotike. Konkretisht, në vëndin e quajtur “Varrezat e dëshmorëve” Lushnje, nga kontrolli personal që iu bë shtetasit Marsel Korreshi, iu gjetën e sekuestruan në cilësinë e provës materiale 22 doza lëndë narkotike e dyshuar Kokainë” informon policia e Fierit
Materialet i kaluan Prokurorisë pranë Gjykatës së Shkallës së Parë Lushnje për veprën penale “Prodhimi dhe shitja e narkotikëve” parashikuar nga Neni 283 i Kodit Penal.
