Policia britanike ka shkatërruar një bandë shqiptare që merrej me shpërndarjen e drogës në Londër. Në pranga përfunduan 9 persona të moshës nga 19 deri në 28 vjeç.
Shqiptarët trafikonin kryesisht kokainë, ndërsa klientët kryesorë ishin banorët e një prej zonave më të pasura të Londrës. Në Tunbridge Wells u shpenzuan 4.2 milionë paund për të blerë kokainë në 6 muajt e fundit duke përdorur një sistem shpërndarje të ndërtuar nga banda.
Sipas asaj që raporton “The Sun”, shqiptarët shpërndanin kokainën nëpërmjet një skeme me “Call Center” të marrë porositë.
Banda shqiptare u zbulua nga dy agjentë të infiltruar, të cilët mësuan dhe mënyrën e funksionimit të saj.
Detektivët gjurmuan gjurmët e drogës në Deptford, në juglindjen e Londrës – 35 kilometra nga Tunbridge Wells – ku banonte anëtari i bandës Rigels Hadashaj, 20 vjeç.
Policët e gjurmuan e bandën për disa javë me oficerë të infiltruar që blinin prej tyre.
Një nga të rinjtë, Ervish Dervishi, u kap pasi mori në makinë për tu shitur drogë dy oficerëve të infilturar.
Ai u tha atyre që të jenë të mos flisnin ndërsa ai fliste telefon me shefit e tij, sepse atij nuk i lejohej të merrte njerëz në makinë.
Një tjetër anëtar i bandës kishte 8,000 dollarë dhe kokainë me vlerë 2,000 paund kur u arrestua.
Taylor e përshkroi Dervishin si një ‘mburavec kokmadh’, që filmonte veten duke i hedhur para një këngëtareje shqiptare në një klub nate në Palmers Green, në veri të Londrës.
Ai tha: “Këto imazhe gjithashtu dhanë disa njohuri për mënyrën e jetesës që bënte ai.
Një tjetër i arrestuar, Nelson Aliaj, përdori fitimet për të blerë dhëmbët e rinj të nënës së tij dhe gjithashtu kishte blerë tokë dhe biznese në Shqipëri. Ai dërgoi dhe një makinë Range Rover në shtëpi për një shok.
Shumica e anëtarëve të bandës ishin në mënyrë të paligjshme në Britani.
Aliaj dhe Fatos Metalia pretenduan se ishin detyruar të merrnin pjesë në skemë, pasi shefat e tyre i kërcënonin familjet e tyre në shtëpi.
Rigels Hadashaj, 20 vjeç, Arlind Palushi, 19 vjeç, Fatos Metalia, 24 vjeç, Izmir Basha, 24 vjeç, Nelson Aliaj, 28 vjeç, Ervish Dervishi, 23 vjeç, Xhesil Vucaj, 21 vjeç, Alfred Gashi, 19 vjeç dhe Marius Kuçi 24 vjeç, do të dalin përpara gjykatës këtë muaj për tu gjykuar nën akuzën e trafikut të kokainës. /Opinion.al
