Trajneri i Tiranës, Ilir Daja, ka dalë ditën e sotme në konferencë për shtyp para derbit të kryeqytetit ndaj Partizanit, që do të luhet ditën e nesërme në orën 19:00 në stadiumin “Elbasan Arena”.
Daja nuk kërkoi t’i ngarkonte me presion lojtarët e tij, duke u kërkuar ta shohin derbin si një ndeshje radhe.
“Lojtarët kanë punuar dhe duhet ta interpretojnë këtë si ndeshjen e radhës edhe pse ndaj Partizanit mbetet një sfidë e veçantë. Do të kërkojmë të kënaqim tifozët tanë”, tha fillimisht Daja.
Ai i kushtoi vëmendje edhe thumbimeve të bëra nga mbrojtësi i Partizanit Gëzim Krasniqi, i cili tha se Tirana feston kur barazon një derbi.
“Krasniqi duhet ta dijë shumë mirë që Partizani nuk fiton një titull që prej 20 vjetësh por nuk besoj se m’u adresua mua me deklaratën e tij”, u shpreh tekniku i bardhebluve.
