Presidenti i Kosovës, Hashim Thaçi, në prag të 9 vjetorit të Pavarësisë thotë se prioritet shtetëror mbetet anëtarësimi në NATO, në Bashkimin Evropian, por edhe ruajtja e partneritetit special me Shtetet e Bashkuara të Amerikës.
Ai ka theksuar se Kosova mbetet ende e izoluar padrejtësisht nga BE-ja.
Në këtë kontekst, Thaçi ka thënë se Kosovës nuk do t’i njihet e drejta e lëvizjes së lirë, pa u përfunduar demarkacioni me Malin e Zi.
Thaçi i ka ftuar të gjithë të ngrihen mbi interesat individuale e partiake, dhe të jenë në shërbim të interesit të shtetit.
Sipas tij, Kosova ka bërë më tepër se të gjitha vendet e tjera në rajon në luftën kundër korrupsionit dhe krimit të organizuar.
Kurse, sa i përket Gjykatës Speciale, Thaçi ka thënë se kjo gjykatë nuk do ta destabilizojë shtetin, por do t’i ndihmojë drejtësisë.
