Dy shqiptarë kanë ndërruar jetë në Greqi pak orë para ndërrimit të viteve.
Siç raporton ekriti.gr, në orën 20 të së premtes, një shqiptar 53-vjeçar u gjet pa ndjenja nga gruaja e tij në Rethymno. Ai dyshohet se kishte probleme me alkoolin. U thirr një ambulancë por ishte tepër vonë për shqiptarin, i cili kishte ndërrur jetë.
Pikërisht në të njëjtën kohë, në Kretë, një 46-vjeçar shqiptar dha frymën e fundit në shtëpinë e tij, në zonën e Atsalenit. Edhe në këtë rast burri u gjet i vdekur nga gruaja e tij, ndërsa pranë tij u gjetën mjete droge.
Autopsia do të hedhë dritë mbi shkaqet e sakta të vdekjes në të dyja rastet.
